- له یاداشته‌کانی سوڵتان جاویدی قەمبەریی ھەشتەمه‌وه
ده‌سپێک....
من ناوم: سوڵتان جاویدی قەمبەری ھەشتەمە
ووڵاتەکەم: ناوی مۆتەکەیە...
ئاڵاکەم: ڕەشی قەقنەسی... ڕۆژانی شەممە بە جڕت لێدان ھەڵی دەدەن و پێنج شەممان بە جڕت و چەقەنەدایدەگرن...
خەڵکەکەم: گیتارستی قەرەجی پێپەتین، بە خۆیان دەڵین: قەمبەری...
ژێرخانی ئابوری: کێڵگەی بەرینی پڕ نا ئومێدی.
خاکەکەم : لیتەی ڕەش داری قاقای تێدا سەوزنابێت.
ڕیژەی سەوزایی: % ٠- .
ڕیژەی بارانی بەخت: ھەمیشە ووشکە ساڵی.
ئایین: قەمبەری.
زمان: قۆشمەچی.
ئارەزوو: گویگرتن لە موزیکی کوشندە، خەیاڵکردن تا ئەو ڕادەیەی دەبێـتە ڕاستی.
کۆشکەکەم: گەورە نیە، ھەر ھێندەیە کە خۆم بە تڕەتڕ جێی خۆم تێدا کردۆتەوە،
نە مەیگێڕ، نە سەماکەر، نە پاسەوان، نە وەزیر و تڕو تەشقەڵەی تیدایە، بەڵی تەنھا
خۆمم لە سەر کورسییەکی ڕەق و تەق دانیشتووم. بەڵام زۆر مورتاحم لەوەی کە کەسم
لەگەڵ نیە.
نە مەیگێڕ، نە سەماکەر، نە پاسەوان، نە وەزیر و تڕو تەشقەڵەی تیدایە، بەڵی تەنھا
خۆمم لە سەر کورسییەکی ڕەق و تەق دانیشتووم. بەڵام زۆر مورتاحم لەوەی کە کەسم
لەگەڵ نیە.
نازناو: خەڵکەکەم لە خۆشەویستیدا پێم دەڵین: قەمبەری دڵ پەشمەک... قەمبەری ڕەشبین، قەمبەری پڕ جەفا... ھتد.
ماوییەتی
Comments
Post a Comment