ئەم گۆرانییە بناسە:
(کۆتا پزیشک - اخرین طبیب) ووتی: مەھەستی
گۆرانییەکی ئاینییە بۆ (مەسیح) ووتراوە یان بۆ عەشق؟. نوسینی: توانا حەمە
مەھەستی یەکێک لە دیارترین گۆرانیبێژانی سەدەی رابردوو، کە بە ھاوشانی خوشکەکەی (ھایدە)، ببونە سمبولێکی دیاری موزیک و گۆرانی (پۆپی،سونەتی، فۆڵکی فارسی) ئێرانی و تا ئێستا لە نێو کوردیشدا گوێگرانێکی بێشوماریان ھەیە.
مەھەستی لە ١٦ نوڤەمبەری ١٩٤٦ لە تاران لە دایکبووە. لە ٢٥ ی جونی ٢٠٠٧ دوای چوارساڵ بیماری بە شێرپەنجەی (قۆڵۆن) لە سانتا روزا- کالیفۆڕنیاکۆچی دوای کرد.
ئەو سەرەتای دەرکەوتنی بۆ بەرنامەیەکی رادیۆیی بەناوی (گولھای رنگا و رنگ) لە ساڵی ١٩٦٣ دەگەڕێتەوە. بە گۆرانییەک بە ناوی (ئەو دڵی بردمخودایە) کە دابەشکردنی لەلایەن ڤایۆلینژەنی ناسراو (یاحقی) بۆ کرا بوو. مەهەستی
پاش شۆڕشی ئیسلامی لە ساڵی ١٩٧٩ ئێران جێ دەھێڵێیت و روودەکاتە وویلایەتە یەکگرتووەکانی ئەمریکا، ئیدی لەوێ زیاتر لە سەردەمی (ژیانی ھونەریئێران) بە ووزەیەکی زۆر و ئازاری غوربەتەوە تا دوا ھەناسەی گۆرانی بۆ عەشق و غەریبی دەچڕێت.
ئاشکرایە سەرجەم گۆرانییەکانی لە باشترینەکانی ئەورۆژگارەن، بەڵام گۆرانی ((کۆتا پزیشک - اخرین طبیب))، لە ئەلبومی موسافیر، جگە لە ئاستیھونەری زیاتر قسەی لە سەر لایەنی ئاینی گۆرانییەکە دەکرێت. کە بروای زۆرینەی ھاوڕێکان و ئەو وێنانەی کە لەم ساڵانەی دوایدا لەکاتی (تعمید)کردنیدابڵاوبونەوە، ئەو دەسەلمێنن کە مەھەستی (ئاینی گۆڕیوە و ئەم گۆرانییەی بۆ حەزرەتی مەسیح چڕیوە)، ئەم باسە لە ناوەندە (تەبشیرییە ئێرانییە مەسیحیەکان)زۆر قسەی لەسەر دەکەن و گۆرانییەکەش بۆتە سمبولێک بۆ (ئەو ئێرانیانەی کە ئاینیان گۆڕیوە، لە نزاکانیان و مەراسیمەکانیاندا ئەم گۆرانییە بۆ مەسیح دەچڕن.
بەڵام ئەوەی جێی ھەڵوەستەیە، کە لە ساتی بەخاکسپاردنی تەرمی مەهستیدا، بە (شێوازی ئیسلامی دەینێژن)، لێرەدا پرسیارێک دروست دەکات، گەر ئەو(بۆتە مەسیحی) بۆچی بە دەستوری مەزھەبی ئیسلامی رێو رەسمی بۆکرا؟.
زۆرێک لە ناوەندە مەسیحیەکان پێیان وایە:
کە وابەستەی بە مەسیحەوە پێویستی بە بەڵگە نیە و لایەنێکی کەسییە پەیوەندییەکی تاکە لەگەڵ خودادا، بەڵام شێوازی ناشتنی بۆ رێز لێنان گوێگرانی و رەنجبەخسار نەبوونی بوو لەو خزمەتەی، کە بە ھونەری ئێرانی کردووە. وەکو جۆرک لە چاوبەست بەو شێوەیە رێورەسمیان بۆکرد، کە دەشێت تەنھا (جۆرێکلە نمایش بوبێ)، بۆ ئەوەی دوای نەمانی ئەو ھەموو یادەورییەی، کە بە گۆرانییەکانی لە نێو ھەستی ئێرانییەکاندا دروستی کردووە، بە ھۆی گۆڕینیئاینەکەیەوە لە لای ھەوادارانی تەڵخ نەبێت و نەشێوێ، دواجار ھونەرەکەی نە کەوێتە ژێر ھەڕەشەی فەرامۆشییەوە.
بۆیە ھەر ئەو رۆژەی کە گیان دەسپێرێ (ھەموو ئەو وێنە و پەیکەرانەی حەزرەتی مریەم و مەسیح)، کە لە ژورەکەیدا بوون لە لایەن کەسە نزیکەکانیەوەشاردرایەوە و پاش لابردنی وێنەیان بڵاوکردەوە، کە ئەو ھەواڵە راست نییە، کە بڕوای من دەشێت: لە سەر راسپاردەی خودی مەھەستی بوبێت. جگە لەوەئەگەر بڕوانیتە ناوەرۆکی تێکستەکە ووشەی (طبیب) لە نێو موسیحیەکاندا ھەمیشە (سمبولێکە) بۆ (حەزرەتی مەسیح) چونکە ئەو لە دەقە ئاینیەکاندا (شفابەخشی) (کوێر، شێت، ئازار، مردوو زیندووکرنەوە، نەخۆش، .... بووە. کە ئێستاش (خاچ) سمبولی (دەرمانخانەکانە). بۆیە زیاتر ھەستێکی ئاینی نێوانبەندەیەکە و پەیامبەرەکەیەتی. لە راستیدا گەرچی لایەنی ئاینی گۆرانیبێژ کاریگەری لە سەر ئاستی ھونەری و موزیکی نییە، بەڵام بێ گومان کاریگەریلەسەر ناوەرۆک، بابەت و شێوازی دەربڕینی ھەستی گۆرانیبێژەکە ھەیە، بۆیە گەر بڕوانیتە شێوازی (زمانی جەستەی مەهستی لەم گۆرانییەدا بۆت روون دەبێتەوە، کە هەستێکی عاشقانەی ئاینیە نەک عشقک بۆ رەگەزی بەرامبەر. گەر تەواوی تکستەکەش بخونیتەوە تەواو لەو هەستە دەگەیت.
بە بڕوای من ئەم گۆرانییە (جگە لە لایەنە شارەوەکەی کە دەشێت لە رۆحی مەھستیدا بێت، لە رووی ئاستی بەرھەمھێنان و موزیک و میلۆدی دابەشکردن لەئاستێکی ناوازەدایە.
وەرگێرانی تێکستەکە:
————————
تۆ کۆتا پزیشکی، لە کۆتا چرکەدا
بە ھاوارم گەیشتی
تۆ نوری لە خوداوە،
کە پەیامی خوداتدا،
بە گوێی مندا چرپاند،
بە ڕۆحی من بەخشی
جوانترین بەھاری
کۆتایی چاوەڕوانی
بۆ منی تەنھا، تۆ یەک
پارێزەی منی
بۆ ماندوێتی من
تۆ باشترین دەرمانی
من کۆڵباری عەشق و
تا کاتی گیان کێشان
لە سایەی خۆشباوەڕیدا وەریوم
بەڵام بۆ جارێکیش دڵێکی سادەم نەبینی
من لە دووبارەی ووشەی خۆشەویستی
ماندوو بوم
من ئەوکەسەی کە ئەبێ دڵبەستی بم
تۆی ئاخرین تەبیبم....
تێکست و ئاواز: جیهانبخش پازوکی
دابەشکردن: منوچهر چشم ازر
کاتی گۆرانییەکە: ٦:٥٥ خولەک
لینکی گۆرانییەکە: کلیکی شینەکە بکە..
Comments
Post a Comment